Шупашкар юбилейӗ чӑвашсемшӗн мар-ши?

 
Чăваш Енĕн тĕп хулин 550-мĕш çуралнă кунне уявлама пуçăнтăмăр та ĕнтĕ. Çак уяв çав тери асра юлакан, республикăра пурăнакан нумай наци çыннисене пĕрлештерекен пулăм.
 
«Юбилейсем — халăхăн иртнĕ кун-çулне аса илме, килес ăрусен интересĕсемшĕн татса памалли тĕллевсене палăртса хума хистекен лайăх мел. 550 çул хушшинче Шупашкар халăх пурăнакан пĕр пĕчĕк вырăнтан Атăлçин промышленноçпа культура, вĕренÿпе наука центрĕ таран ÿссе тĕрекленчĕ», - тенĕ Чăваш Республикин Пуçлăхĕ Михаил Игнатьев ЧР Патшалăх Канашне янă Çырăвĕнче.
Эпир, чăвашсем, Шупашкарта — хамăрăн тĕп хулара йышлă пурăнатпăр. 2010 çулхи çырав тăрăх Шупашкарта 59% чăваш тĕпленнĕ. Кунта эпир хамăр культурăна, чĕлхене, йăли-йĕркене, ал ĕç ăсталăхне, ăс-хакăл пуянлăхне аталантаратпăр. Шăпах çак тата ытти пахалăхпа эпир те, чăвашсем, тĕнче тытăмĕнчен çухалмастпăр. Çакăн пирки пирĕн нихăçан та манмалла мар, чăвашлăха, хамăрлăха упрамалла. Унсăрăн пирĕн тымар татăлĕ, чăваш пулма пăрахăпăр.
Чăн та, уявĕ çитрĕ, анчах хуламăрта мĕн асăрхатпăр-ха? Кашни автобус-троллейбус чарăнăвĕнче, халăх куракан ытти вырăнсенче Шупашкар 550 çулĕпе саламласа вырăсла çырнă баннерсем. Акă, Мускав проспектĕнче кăна «Чебоксары 550» тенĕ щитсем пурĕ 18 таран, Мускав кĕперĕ икĕ енĕпе çакнашкаллисемех 20 баннер. Анчах та чăвашла çырни пĕрре те çук!
Чăваш наци конгресĕн çурчĕ умĕнче эпир çĕртме уйăхĕнчех тăван чĕлхепе çырса салам сăмахĕллĕ баннер вырнаçтарнăччĕ-ха. Ку вăл ыттисемшĕн тĕслĕх пулĕ тесĕ шутларăмăр.
Çак кунсенче Чăваш наци конгресне килекен çынсем хушшинче кун пирки хăйсен пăшăрханăвне пĕлтерекенсем нумайланчĕç. Паян та акă, Шупашкарти Максим Горький урамĕнче пурăнакан Василий Иванович Исаев пирĕн пата çитсе Чăваш патшалăхĕн Конституцийĕпе килĕшÿллĕн йышăннă иккĕмĕш тăван чĕлхепе уяв пирки мĕншĕн нимĕн те çырманнишĕн куляннине пĕлтерчĕ. ЧНК ĕç тăвакан комитет председателĕ Анатолий Ухтияров Василий Иванович каланине куçпа курса ĕненес тесе ăна лартса хула тăрăх çавăрăнчĕ. Чăнах та, вӗсем Шупашкар çавра çулне чăвашла палăртакан пĕр баннер, пĕр щит та курайман. Анатолий Ильич каланӑ тӑрӑх, И.Яковлев проспектĕнче - 42, 9-мĕш пиллĕк çуллăх çаврăнăвĕнче - 8 уяв саламĕ. Пурте вĕсем вырăсла. Пĕртен пĕр чăвашла шăрçаланă баннер - Лакрей вăрманӗн кӗперӗ ҫинче. Анчах та ăна лупăпа пысăклатса вуламалла, иртен-çÿрекен те, машинăпа иртсе каякан та асăрхаймĕ.
 
Ирĕксĕрех Шупашкар хула администрацине çыру шăрçалама лекет. Уявсем иртсе кайиччен конгресс ертÿлĕхĕн, пирĕн хастарсен чунне ыраттаракан ыйтăва татса парасса шанас килет.
 
                                                                                                                                                                           ЧНК ĕç тăвакан комитечĕ.

 

 

Главе города Чебоксары 
Е.Н. Кадышеву

Главе администрации 
г. Чебоксары
А.О. Ладыкову

Копия: 
Главе 
Чувашской Республики 
М.В. Игнатьеву

В соответствии со статьей 8 Конституции Чувашской Республики «Государственными языками Чувашской Республики являются чувашский и русский языки». 
В настоящее время в г. Чебоксары проживают более 500 тыс. человек, в том числе 59 процентов составляют граждане чувашской национальности.
Город Чебоксары вступил в завершающую фазу чествования своего юбилея – 550-летия. Благодаря большой и ответственной работе Чебоксарской городской администрации во многих местах установлены отдельные уличные стационарные стойки для юбилейных транспарантов с надписью «Чебоксары» и цифры «550», в частности, по Московскому проспекту -18 штук, на Московском мосту – 20 штук и по проспекту Яковлева - 50 шт. Однако нигде нет стоек или флагштоков с чувашским текстом «Шупашкар» или растяжки «Шупашкар -550», все вывески выполнены на русском языке.
В последние дни не смолкают телефоны Чувашского национального конгресса: звонят горожане и гости города с указанием на игнорирование и грубое нарушение положений Конституции Чувашской Республики, и, если сказать открыто, на элементарное неуважение граждан чувашской национальности.
Чувашский национальный конгресс работал и работает на создание благоприятной среды, как политической, так и общественной, для социально-экономического и культурного развития Чувашской Республики. По всем вопросам, касающимся представителей титульной нации, граждане обращаются в Чувашский национальный конгресс.
Поэтому убедительно просим вас принять срочные меры по устранению вышеуказанных упущений, связанных с оформлением города Чебоксары – Шупашкар. 
Полагаем, при размещении на местности флагштоков (стоек) можно чередовать текст на русском и чувашском языках, такой подход даст возможность устранить допущенный пробел.

                                                                                                                                                                       

Председатель исполкома ЧНК, вице-президент
МОО «Чувашский национальный конгресс» 
А.И. Ухтияров